係咪太任性？

我成日o係度諗　我係咪一個太任性o既人？

當我面對一個我在乎o既人或事物　反應經常好激烈

無論開心唔開心　情緒會加倍放大

一o的o的小事可以令我高興到幾日訓唔著覺

一o的o的小事都可以令我喊到眼腫

好多時　果o的事情本身唔係好嚴重

但因為我太在乎　太在乎

攪到我有時會嬲　有時會流眼淚

當人o地問我點解要咁唔開心　我又講唔出答案

連我都想問o下自己：究竟點解呀？



譬如果日　MSN小遊戲根本唔係咩滔天大罪

何以引致我幾日都唔想同妳講野？

我一直講唔出　係因為我太在乎妳



方才　我一邊寫E-mail俾二叔　一邊流眼淚

唔經唔覺　竟然講出好多心底話

我只係覺得好唔公平　同埋好唔甘心

忽然間唔明自己究竟為乜　覺得自己好傻

我可以為阿嬤一句說話就放棄住酒店o既計劃

但我冇任何能力亦冇資格阻止阿嬤返大陸

因為呢件事連阿嬤都話唔到事

寫完封信　我覺得自己簡直可悲

點解一個孫女想見佢阿嬤一面會如此困難？

有人一年見足三百六十五日　分七日俾我會點樣呀？



我唯一o既小小心願　不過係一年之中有一個星期可以陪o係阿嬤身邊

唔通咁樣都算係無理取鬧？只係我太過任性？